Eerste braif van Johannes 01
01t Het ter van begun òf aan west. Wie hebben t heurd en mit aigen ogen zain, wie hebben der aandachteg noar keken, hebben t mit handen aanwèst, wie hebben t ter over: t Woord, dat levent geft.
02Joa, t levent is veurndag kommen. Wie hebben t zain, getugen der van en verkundegen joe t: t aiwege levent, dat bie de Voader was en aan ons verschenen is.
03Wat of we zain en heurd hebben, dat moak we joe nou ook kundeg om joe gemainschop mit ons te geven. Gemainschop mit ons wil ja zeggen, gemainschop mit de Voader en mit zien Zeun, Jezus Christus.
04Wie schrieven joe dit om ons bliedschop kompleet te moaken.
|
